Col 3 | HUI | STEP | Tí Keriso heba halimulonaga mo heyamaga henego kami. Ani bu kamigo tígua dahuliya andaga Keriso ibuninaga dagiani Ngode Datagaliwabenaga gi tigahayagi bedagoha mbirale ngarunaga mitangi bialu ogoriani gubalini paga ho halimu.

a 3.1Iba 110.1, Mg 12.36, 16.19, Eb 1.20, Pb 1.30, Kl 1.29, 2.12, 1 Te 2.2

b 3.2Md 6.33

c 3.3Lm 6.2, 2 Ko 5.7, 5.14, Ga 2.20, Kl 2.20

d 3.4Yo 11.25, 14.6, 1 Ko 15.43, Fl 1.21, 1 Yo 3.2

e 3.5Lm 6.6, 6.11-13, 8.13, Ga 5.24, Eb 4.19, 5.3-5, 1 Te 4.5

f 3.6Eb 5.6

g 3.7Lm 6.19-20, 1 Ko 6.11, Eb 2.2

h 3.8Eb 4.22, 4.25-31, 5.4, Hi 12.1, 1 Pi 2.1

i 3.9Eb 4.22

j 3.10Pig 1.26, Lm 12.2, Eb 2.10, 4.24

k 3.11Lm 10.12, Ga 3.28, Eb 1.23

l 3.12Ga 5.22, Eb 4.32, Pb 2.1, 1 Pi 2.9

m 3.12-13Eb 4.2

n 3.13Mg 11.25, Eb 4.32, 5.2

o 3.14Lm 13.8-10, 1 Ko 13.13, Eb 4.3

p 3.151 Ko 12.13, 12.27, Eb 2.16-17, 4.4, Pb 4.7

q 3.161 Ko 14.26, Eb 5.19, Kl 4.6

r 3.16-17Eb 5.19-20

s 3.171 Ko 10.31, Eb 5.20, 1 Te 5.18, Hi 13.15

t 3.18Eb 5.22, Ta 2.5, 1 Pi 3.1

u 3.19Eb 4.31, 5.25, 5.28, 1 Pi 3.7

v 3.20Eb 5.24, 6.1, Ta 2.9

w 3.21Eb 6.4

x 3.221 Ti 6.1, Ta 2.9

y 3.22-25Eb 6.5-8

z 3.241 Ko 7.22

aa 3.25Man 10.17, Lm 2.11, Eb 6.9, 1 Pi 1.17

Colossians 3

1 Tí Keriso heba halimulonaga mo heyamaga henego kami. Ani bu kamigo tígua dahuliya andaga Keriso ibuninaga dagiani Ngode Datagaliwabenaga gi tigahayagi bedagoha mbirale ngarunaga mitangi bialu ogoriani gubalini paga ho halimu. ^a 2 Mbirale dindini ngaru mitangi nabi daligani ngaru mitangi bialu ogoriani mini paga ho halimu. ^b 3 Irane tí homene howa tínaga holene Keriso heba Ngode Datagaliwabeha do howa kamigoni. ^c 4 Tínaga holene gahenge Keriso ibuniore kago ibu ha pani harangi tíbi ibu heba ha pani halu ibunaga baya taraore holene yu holeberami. ^d

Holene ala tawebi gahengebi ngago ogo

5 Anigo tíha mini ala tawenaga hame lagane yu howa bialu kamiru mo homa halimu. Uruni wali agali kayu bulenebi mini ko wuwa bulenebi dimagoli holenebi hame lowa ela holenebi dimagoli howa í̠ hangu wua holenebi uruni bibahende mo homa hai halimu. Í̠ hangu wua holene larugo ogoni mbirale tarahondo bi pupu wiaga mana ale nga. ^e 6 Mana urunibi bialu Ngode Datagaliwabenaga mana mo wahaga karu tiha Ngode Datagaliwabenaga keba holene wulebira. ^f 7 Ala tingininaga hame lagane urunime tí haru howa tigua, Bidaba, layadagua bialu harimigoni. ^g

8 Anigo áyu mana uru bibahende wahai halimu. Keba holenebi dimagoli holenebi handabe manga holenebi wahaiore halimu. Mege bulenebi bi ko lolenebi tínaga ne harigaha howa tagira ibulene nawi. ^h 9 Tíni tindule lagalaga nabilimu. Mini ko wuwa bialu haramiligo golo wahowa ⁱ 10 mini gahengenaga karulo harimigoore kami. Mini gahenge ogoninaga wabiaga Ngode Datagaliwabe ibugua ibuni ale helo wabialu haabo ka. Tígua ibu kago manda biaiore halimulo ibugua tí ani mo manda bia halu ka. ^j 11 Ani biragome tí Yu wali agali ndo taratarabi Yu wali agalibidongone podo mabu binibi nabinibi Girigi bi nalagabi mana nahendenego biagabi garabaya biabe ale bia hagabi nabia hagabi kamiyagua urunibi taratara ndo tí mbiraore hangu kami. Galoneorego Keriso ibuni hangu ka. Ibu ina bibahendeha hai ka. ^k

12 Tí Ngode Datagaliwabenaga wali agali bu kamigoni. Ibugua tí gubalini howa ibunaga halimulo tí dabo helenego kami. Anigo tígua dara holenebi biamogo bulenebi tíni mo dindiha ho holenebi bayuwa de hondowa bulenebi ema nabi howa hibu lolenebi urunibi karulai halimu. ^{l
,} ^m 13 Tígua wali agali maru karu mitangi bialu biamogo bulenebi marume tíhondo ko biragola la nabi wahaga bialu halimu. Anduane Homogo ibugua tí ko birimigo domo wahayadagua tígua nde marume birago la nabi wahalimu. ⁿ 14 Bayale bulene uruni heba gubalini holene wia tago holene nga. Gubalini holene ogonime bibahende hangu hangu ngaru mo mbiraore howa baya gibi halu mo gimbu biaga. ^o 15 Kerisohanda mo palia holene tíhondo ngiyagome tínaga bu miniha bayuwa dabalu bilimulonaga ngidagoni. Mo palia holene ogoni tínaga wilo Ngode Datagaliwabehanda tí tingini homane mbiraoreha howa olene. Ani binigo tí turu halu ka̱i̱ lalu halimu. ^p 16 Kerisonaga bi mana baya burugule mini homogo holene ngago tínaga bu miniha helowa halimu. Mini gigabiwi howa tígua tíni lawai hagahaga bialu lo tiga bigibigi bialu halimu. Anduane Homogonagambugani iba gana ngagobi lotunaga iba ganabi Dinini ibugua tí iba gana lawai haragobi bayuwa bi tabalu tínaga bu miniha howa Ngode Datagaliwabehondo ka̱i̱ lalu halimu. ^{q
,} ^r 17 Tígua beramirubi laramirubi bibahendeore Anduane Homogo Yasunaga minini howa bulene nga. Ani bialu Yasu togoni howa Aba Ngode Datagaliwabehondo ka̱i̱ lalu halimu. ^s

Iname holene gahenge yu howa bulene ngago ogo

18 Agali oneru-o tí Keriso hamewane biruwa tínaga agalinime bia laradagua hale halu bilimu. ^t

19 Wali bereru-o tínaga onehondo bi tandagabi nale gubalini ho halimu. ^u 20 Waneiginiru-o tí Keriso hameigini howa tínaga aba ai̱yalame bi laradagua hale halu biaabo holene nga. Ogonidagua beremigome Ngode Datagaliwabe mo turu halu kami. ^v

21 Waneigini aba ai̱yaru-o tígua tínaga waneiginime genda holigo lawanana nabilimu. ^w

22 Garabaya biabe ale bia hagaru-o tígua tínaga haru haga dindini karume bia laradagua biai halimu. Tínaga haru hagame tí de hendedaore bayale biaga ka lelonaga hangu bulemini. Ani ndo tí de nahendedahabi mini tigabi wu howa bayale dege bialu halimu. Tígua Anduane Homogo mitangi bu kamigonaga biabe bialu kamigo manda buwa bialu halimu. ^{x
,} ^y 23 Mbirale beramigo bibahende ta nabi bialu howa tígua agalinaga biabe bia harolo mitangi nabi Anduane Homogonaga biabe bia harolo mitangi bialu gubaliniore howa bilimu. 24 Anduane Homogo ibugua tínaga yolo ngule wu kago manda bu halimu. Yolo ogoni ibugua ibunaga wali agali karuhondo mulebero lowinigo do ho ngago tígua yu holeberami. Tínaga Haguane henene Keriso ibuniore kago tígua biabe ogoni ibunagaore bia haramili. ^z 25 Ko bialu karu hangu hangu ta nabi ibuni ko biyadagua pani miadai bulebira. Ngode Datagaliwabe ibugua wali agali daba ki buwa tini biyadagua ogobi degedege daba ki bulebira. ^aa